m* café e copas

#twitscq

2012-01-25T04:39:00.000-08:00

Sabemos que sodes moitos e tamén sabemos que alguns de vos non vos coñecedes en persoa ...

Hoxe teredes a oportunidade de desvirtualizar ao follower que che da os bos dias, poderedes dicir a cara algun que outro tweet gardado, deixar de ter longas conversas por DM e ata facer un unfollow en vivo e en directo.

Twitter@s de Compostela, daredores e achegad@s, descoñecid@s e desvirtualizad@s, vémonos hoxe a eso das 20:00h, na nosa casa que sempre será vosa. Xa sabedes, o fondo, onda esta o caloriño dos vosos tweets, Retweets, @mencions ....

Por certo ... podedes seguirnos en twitter ... somos @mcafe ... ;)

E se queredes saber mais da #twitscq tamen en @twitscq

*Tomando cafe con ....

2012-01-20T04:15:00.000-08:00

Hoxe Venres a partir das sete do serán, a nosa zona VIP, a dos amigos, terémola reservada para Sonia. Esta asterisco recen chegada á nosa casa, está detrás de O segredo de Nanabel.

Xa participou no noso Pequeno Mercado de Nadal con gran éxito, por cetro, e desta vez será coma un showroom privado.

Se queres coñecela en persoa, coñecer as cousas que pasan directamente da súa cabeza ás súas mans .... pásate a tomar un café ou o que che te apeteza ...

Hoxe venres ... *Tomamos café con O Segredo de Nanabel.

A partir das 7 do serán. m* cafe e copas. zona VIP.

2012-01-05T17:34:00.000-08:00

Nos imos descansar un chico para voltar o luns coas pilas ben cargadas... Xa nos contaredes como se portaron os Reis Magos!

Sucesos estranos no m*

2011-10-31T05:53:00.000-07:00

DUAS TABERNEIRAS DA CAPITAL DE GALICIA PROTAGONIZAN O MISTERIO DESTE DIA DE DEFUNTOS.

Nesta foto de arquivo vemos a Sagrario e a Mariví, as protagonistas deste suceso.

Ninguen sabe que pasou dentro do local sito na compostelana rua da Fonte de Santo Antonio, pero a policía científica certificou que os restos atopados na escena do suceso pertencían as taberneiras tan coñecidas por todos.

Os seu veciños, contan que nese local sempre sucederon cousas estranas e paranormais, incluso antes de facerse o novo edificio. Coméntase que os 31 de Octubre, na noite de defuntos, escoitanse ruidos e voces horribles ...

De todos modos, os seus amigos queren recordar a estas rapazas e convidan a todo o mundo que as coñeceu veñan a rendirlle unha cálida despedida esta noite de defuntos, e quizais.... solo quizais poderemos atopalas detras da barra, coma sempre!!

en Xuño ..... exposición*

2011-06-13T12:52:00.000-07:00

Este Venres 17 de Xuño, inauguramos unha nova exposición na casa. Desta vez repetimos con fotografía e de fotógrafo, Xabier Martinez, que xa é un habitante reincidente deste espacio.

Non sabemos canto tempo estarán colgadas as suas fotografías nas nosas paredes, pero recomendamos que non deixedes de pasar a desfrutalas, tomando un café, unha caña ou o que gustedes.

*se queredes saber mais deste magnífico fotógrafo "pinchade" no título da entrada.

*deseño cartaz . pepexoga

Obsesionados con ... Adele

2011-05-05T11:44:00.000-07:00

Estamos de volta por estes lares coa intención de non marchar nunca ....

os martes darémosche que falar .... en inglés!!

2011-01-24T02:59:00.000-08:00

Comenzamos esta aventura o ano pasado colaborando cos nosos amigos de Sant James Institute e este ano que xa comenzou queremos que os martes no m*, continúen sendo para falar inglés.

Para avanzar un pouco nesta aventura, o que antes facíamos cada dous martes, agora será todos os martes a partir das 20:00h en vez das 22:00h.

Esperamos con este cambio que a xente que queira practicar o seu inglés, en conversa e totalmente gratuíto, sepa que calquera martes a partir das 20:00h do serán poden achegarse pola nosa casa, tomar o que lle pida o corpo e latricar un pouco.

No m* estará xente faladora de Sant James Institute, que serán os guias desta aventura.

Empezamos este martes e esperamos atoparvos por aqui.

deseño cartaz: pepexoga

donuts con .... *

2011-01-18T01:22:00.000-08:00

Probando cousas novas .....

.... primeira proba ... ¡¡deliciosos!!

*fotos. pepexoga

en Xaneiro ... exposición*

2011-01-06T15:38:00.001-08:00

Levou tempo, moitos cafés e conversas para convencer a este amigo do m*, de que colgara nas nosas paredes espidas unha mostra das súas miradas.

Levou tempo pero xa están aquí as suas fantásticas fotografías, son unha pequena mostra que él mesmo denominou Compostela. E para celebralo, mañá daremos un humilde ágape a quen se achegue a mirar, aloubar, criticar, saúdar o noso convidado deste mes de Xaneiro.

A cita será as 8:30h do serán, recomendamos non demorarse moito e mirar as obras de Juan L. Amado con calma, sen presas.

Inauguración. Venres 7 de Xaneiro. 8:30h. m*cafe e copas.

* deseño cartaz pepexoga

... coachinando*

2010-12-10T06:35:00.000-08:00

Hoxe teremos na nosa casa a Alex Pereira, un cliente, amigo, coach, cociñeiro ... coachinero! presentando o seu novo proxecto.

Aínda que falando pódenos convencer do que sexa, como un bo deseñador/creativo, vai achegarnos a sua nova idea creativa e innovadora por medio da vista e do gusto.

Un chef, un único día, un novo proxecto, tres tapas* .... flatas ti!

*tapas a un euro c/u.
*sorteo cada media hora dun gorro de cociñeiro entre os que tomen as tapas de unha en unha.
*sorteo final dun bono regalo (válido por un servicio do coachinero) aos que vos atrevades a comer as tapas de tres en tres.

Bo proveito!

*venres 10 de Decembro. 19h a 22h.

* aviso

2010-12-03T12:26:00.000-08:00

en Decembro ... exposición*

2010-11-24T10:24:00.001-08:00

Xa sabemos que non estamos en Decembro, pero non está nada mal adiantarnos uns días para ver estas nove imaxes das nosas costas. Peculiares visións dende a cámara de David García Pérez, fotógrafo, cliente, amigo, twittero, bloguero ...

Se pinchades no título da entrada, poderedes mirar mais fotos de David; pero vos recomendamos pasar pola nosa casa e disfrutar desas espectaculares imaxes degustando un chiculate quente con algún postre caseiro, por iso de alimentar o corpo e a alma.

ata finais de Decembro

*deseño cartaz pepexoga

... estos meses

2010-10-21T14:03:00.000-07:00

Vendo a data da última entrada do noso blog, parece coma se estiveramos en paradeiro desconocido. O certo é que neste tempo pasaron moitas cousas, despedímonos de grandes amigos e nos atopamos con persoas que deseguida fixemos amigas.

Durante este tempo continuamos facendo exposicións ...

... fixemos algunha colaboración ...

...tamén seguimos facendo punto todo o verán, continuamos coas KDD´s de cada principio de mes de twitter e tamén collemos algún que outro descanso.

Pero xa estamos de volta no noso espacio físico e nos nosos espacios virtuales, e queremos darvos un pouco mais que falar.

Abride ben as orellas .....

en Maio ... exposición*

2010-05-15T13:29:00.000-07:00

m* de música

2010-04-13T06:13:00.001-07:00

Despois dun mes sen ter música en directo na nosa casa, temos o pracer de ter esta noite a un gran amigo do m* .....

A motivación para armar outro proxecto en formato trío é precisamente esta instrumentación específica. É como un grupo síntese, unha redución de calquera formación de calquera estilo en tres únicas voces acústicas: saxo, contrabaixo e bateria.

Xacobe Martínez presenta o seu actual proxecto, con repertorio novo e dous músicos cos que xa traballara no seu Quinteto, Pablo Castaño ao saxo alto e Max Gómez á batería.

* martes 13. 22:30h. entrada 2€. aforo limitado.
* cartaz by xogadeseño

se queredes saber mais deste trio "pinchade" no título da entrada.

en Abril ... exposición*

2010-04-12T04:38:00.001-07:00

en Marzo ... exposición*

2010-03-11T00:14:00.000-08:00

*ata fin de mes.

m* de música

2010-02-19T14:13:00.000-08:00

Najla Shami, voz, e Héctor Lorenzo, guitarra, forman un dúo cunha ampla bagaxe que leva traballando dende fai xa case cinco anos.

Mesturando moi diversos estilos como a música brasileira, jazz, funk, blues ... o resultado e un son moi persoal nun repertorio cheo de covers e cancións orixinais no que é un espectáculo moi dinámico e de grande interacción co público.

* 22:30h. entrada.2€.

Se queredes coñecer un pouco mais o que vai soar no m* "pinchade" no título da entrada.

m* de música

2010-02-04T03:41:00.001-08:00

en Febreiro .... exposición*

2010-02-04T03:39:00.000-08:00

en Xaneiro.... exposición*

2010-01-19T03:30:00.000-08:00

Tan so quedan dez días escasos para desfrutar das fermosas fotografias de Javier Pais. Deixovos unha pequeniña mostra, xa que o que podedes facer e vir a desfrutar delas tomándo, por exemplo, un dos nosos chiculates acompañado cun doce caseiro.
E se vos sabe a pouco, sempre podedes adquirilas para o voso desfrute privado.

Se queredes saber mais de Javier ou mirar mais fotos fermosas, "pinchade" no título da entrada.

m* de música

2009-12-21T10:47:00.001-08:00

2009-12-04T04:07:00.000-08:00

Bagaxes*

2009-11-02T03:28:00.000-08:00

bagaxe s.f. 1. Todo aquilo que as persoas levan consigo cando viaxan. Levaban toda a bagaxe nun pequeno utilitario. 2. fig. Conxunto de coñecementos, vivencias, experiencias, etc., que unha persoa adquiriu polo estudio, a investigación ou por outros medios. Abagaxe cultural dificulta, ás veces, a lectura das súas obras.

Así é como se chama a exposición que poderedes ver na nosa casa todo este més de Novembro.

Estades tod@s convidados a pequena inauguración onde podedes coñecer e conversar coa artista, ademáis de petiscar algunha cousiña.

*se queredes saber mais desta ilustradora "pinchade" no titulo da entrada.

fai punto no asterisco*

2009-11-01T12:48:00.000-08:00

Tod@s nós tivemos algunha vez unha prenda feita a calceta polas nosas avóas, nais, tías, veciñas ........ e puidera ser que non foran tan perfectas como as que mercabábamos nas tendas, pero tiñan un significado especial, unha historia que nos conectaba.

Queremos voltar a ese bonito costume que tiñan as nosas avóas, por iso se queres aprender, lembrar o que xa sabías ou queres compartir o que sabes, ben facer punto no asterisco.

. Xuntarémonos un día á semana
. Daremos material para comezar
. 6 €

Apúntate enviando un correo ó noso mail mcafecopas@gmail.com,cos teus datos, porémonos en contacto para darvos mais información.

Teremos unha experta en punto que nos fará de guía.

samaín*

2009-10-31T12:06:00.000-07:00

monkillos comeza por .... m*

2009-10-13T05:44:00.000-07:00

monkillos comeza por.... m*; m de marcelino galán; m de xacobe martinez antelo; m de miguel cabana; m de música e estarán no m* para presentar o seu novo disco "in monk we trust", o 30 deste mes.

Se queredes escoitar un adelanto do disco, que tocarán en directo esa noite, pinchade no título da entrada.

* garcias Inés

en Outubro..... exposición*

2009-10-06T03:24:00.000-07:00

Dende principios deste mes, as nosas paredes deron un cambio na decoración. Onde antes colgaban os debuxos de Marta Portela Barreiro e as fotos estacionais de Pepe Xoga, agora están as fermosas fotografías de seis rapaces que pertencen a Fotógraf@s de Compostela. Desta vez as fotos son de Rafael Arroyo, Isidro Cea, Alberte Couto, Adrián Domínguez, Paco Medina y Javier Pais.

Non esperedes ver aqui neste blog as fotos destes rapaces, teredes que vir o m* e se vos gustan moito, moito, moitísimo..... pódense mercar.

Esperamos a vosa visita, e lembrarvos que para mirar a exposición non é necesario consumir no local, outra cousa é que vos guste o noso ambiente e queirades probar algunha das nosas especialidades.

Arte feito coas mans*

2009-10-03T08:04:00.000-07:00

Como non nos gusta perder as boas costumes, e ademáis a idea de ter unha persoa creativa e creadora tódolos sábados na nosa casa, tivo tanta aceptación entre a xente que nos visita, hoxe deu comezo a segunda edición de artemáns.

Desta volta, inauguramos coa mesma firma, que se arriscou a seguirnos nesta aventura un 7 de marzo deste mesmo ano, Recuncho de Cucadas.

Detrás destas cousiñas de coiro, prata, sawrovski..... están as máns e a creatividade de Ana, unha amiga dende o principio que non dudamos que estea con nós en máis ocasións.

Xa sabedes que os sábados podedes tomar o que vos apeteza, mercar algun agasallo, algún capricho..... seredes benvidos.

* Gracias Marta

BLOGUZZ-4fb5fe55f5

2009-09-20T10:24:00.001-07:00

de volta*

2009-09-08T00:45:00.000-07:00

Xa estamos de volta, de volta ó traballo, ó colexio, ás prisas, ós atascos.... en definitiva a deliciosa rutina. E nós queremos que esa rutina tan odiada e tan necesaria, as veces, sexa máis levadeira, por iso estamos facendo os deberes para sorprendervos.

Neste curso imos ter uns compañeiros moi curiosos, os que vedes no debuxo, mirando dende a nosa terraza.... un regalo para a vista gracias a un anónimo ou anónima....

Benvidos tod@s, seguiremos informando.

merenda *

2009-06-27T12:59:00.000-07:00

Xa tedes outra razón para pasar a vernos.

molho de manga*

2009-05-30T02:18:00.000-07:00

Xa saberedes que tódolos sábados deixámos un sitiño da nosa casa a un artesán/artesana, e así darlle a oportunidade de mostrar e vender as súas creacións, ademáis de ser coñecido por Compostela.
Hoxe encheuse o noso escaparate do cores do Brasil, xoias feitas en semillas, broches de fieltro, chapas.... todo un luxo para a vista que nos trae Molho de manga.

Xa e hora de porlle cor o verán, non vos perdades estas cousiñas bonitas

Se queres ir mirando "pinchade" no título da entrada.

terraza*

2009-05-29T09:26:00.000-07:00

Apareceu por fin o sol. A xente anda mais contenta que de costume; deixamos de cargar cos abrigos, cos chuvasqueiros, coas botas da choiva; os bicos roubados (ou non) afloran nas esquinas; os peregrinos e os mira-cornisas enchen as rúas de Compostela. E coa calor que mellor que sentarse nunha terraza á sombra e disfrutar do fresco.

Convidámosvos a visitala nosa. Xa nos contaredes.

#twitscq

2009-05-19T10:12:00.000-07:00

¡Convocámoste a ti! ¡Si a ti! que cando falamos de twittear, de twitt, twitteando.... de twitter, non pensas que falamos en chino.
¡A ti! que naciches, vives en Compostela ou pasas por ela as veces.

Queremos verte a cara, por iso mañá a eso das 20h quedamos no m* .... eu xa estarei alí....

Artemáns en abril...

2009-04-04T02:25:00.000-07:00

Neste mes de augas mil, seguimos acollendo no m* tódolos sábados un artesán. Desta vez tocoulle repetir a "Recuncho de Cucadas". Tedes case todo o día para pasarvos por aquí e desfrutar con pezas únicas feitas en coiro, prata.... e tamén e unha escusa para coñecernos e probar o noso café.

Deixo unhas fotos do que Ana, de Recuncho de Cucadas, crea coas suas mans.

* Recuncho de Cucadas está en Porta da Vila,15-Baixo. Noia. A Coruña.
mail: recunchodecucadas@hotmail.com

Zona oficial de Bookcrossing

2009-04-01T08:16:00.000-07:00

Todos os que nos visitades a miudo sabedes que temos uns cantos libros que podedes mirar no noso café, levar para casa, incluso poñer debaixo do portatil para que vos quede a altura.....Todo isto que era "oficioso" queríamolo facer "oficial", por iso dende hai unha semana somos zona oficial de Bookcrossing. Agora podedes liberar e recoller libros no noso café e seguirlle a pista por internet.

Esperamos que acollades esta nova con tanto entusiasmo como nós.

* se queredes saber máis sobre este tema, pinchade no título da entrada.

deixate levar.....

2009-03-21T09:06:00.000-07:00

Continúan os sábados artesans

2009-03-19T08:48:00.003-07:00

Coma tódolos sábados dende o 7 deste mes, temos con nós un artesán. Desta vez nos trae o seu traballo en macramé e caleidoscopios. Se non vos podedes achegar hoxe por aquí, lembrade que "Artemáns" ocupará un espazo do m* tódolos sábados.
E por se non vos achegastes os sábados pasados, aqui vos deixo unha mostra do que tivemos e nos deixaron ver.

*Recuncho de Cucadas. Prata, coiro.....
*Marta Portela. Roupa pintada a man....

Sábados de Artemáns

2009-03-11T11:30:00.001-07:00

Chega o Entroido ó m*

2009-02-19T04:02:00.001-08:00

*deseño. Pepe Xoga

San Valentín

2009-02-14T10:25:00.000-08:00

Temos case tódolos ingredientes para pasar un día/noite de San Valentín.... o máis importante telo que poñer ti.

Feliz día do amor e sobre todo da amizade...

Obsesionados con... Pink Martini

2009-01-14T05:37:00.000-08:00

Sitúanse nalgún lugar entre as bandas de baile cubanas dos anos 30, unha orquesta clásica de cámara, unha charanga de pasarúas brasileira e un filme de cine negro xaponés.

Quen coñeza a esta "pequena orquesta" saberá de que falo.

Formouse en Portland (Oregon) no 1994, para tocar a favor de causas como os dereitos civís, o acceso a vivenda, o dereito á información...

O seu debut foi no Festival de Cine de Cannes e xa non deixaron de interpretar por todo o mundo o seu repertorio multibilingüe, que ademáis se inclúe en alguns filmes e series de televisión.

Deixovos unha mostra da súa música, pero vos a consello que miredes en youtube a cantidade de vídeos que hai sobre eles. E se queredes coñecer máis desta peculiar orquesta, xa sabedes, pinchade no título da entrada.

* gracias Antonio Lois.

FELIZ ANO 2009

2009-01-03T13:14:00.000-08:00

Estamos a estrear un novo ano e dende o m* queremos desexarvos cousas bonitas para este 2009.

Estas imaxes son da noitevella, unha mostra do ben que o pasamos a noite que cambiamos de ano. Celebrámolo con cava, mojitos, algún coctel, licor café (como non), contando os nosos propósitos para o novo ano, e antes de marchar para casa, non podía faltar catar o chocolate e para os máis atrevidos unha cunca de callos.

"Nadie es un fracaso si tiene amigos"
*James Stewart no filme "Que bello es vivir" de Frank Capra.

Vémonos na noite de Reises.

Fotos de Pepe Xoga

Queda inaugurado o Nadal!!!

2008-12-06T13:36:00.000-08:00

Foto cedida por Pepe Xoga, sacada co seu iPhone.

¿Preparados para ler?

2008-11-24T05:29:00.000-08:00

Os que pasades con asiduidade pola nosa casa (ou polo noso blog), saberedes que colaboramos co Clube Virtual de Lectura, formado por mozos e mozas emperrados en que non paremos de ler.

Desta vez o libro que nos propuxeron para ler é Herba Moura de Teresa Moure.

Se queredes participar ou vos pica a curiosidade, pinchade no título da entrada. Se ademáis de virtualmente queredes participar físicamente, os días das quedadas para comentar as lecturas, vémonos no m*.

Preparando "Samaín"

2008-10-27T00:46:00.000-07:00

Deliciosa rutina

2008-09-19T15:37:00.000-07:00

Pois si, deliciosa rutina, por que xa tiñamos gañas de voltar, voltar ó traballo, ó colexio, ó bullicio, á cola do super, ó café expres antes do traballo, ó fresco das noites, o atoparse cos amigos, ós atascos....

Traemos moitas ideas e moitas ganas de poñelas en práctica este longo inverno e queremos que formedes parte delas. Benvidos a tod@s.

Vacacións

2008-08-22T06:58:00.000-07:00

Preparando as maletas

2008-08-21T04:06:00.000-07:00

Estamos a preparar as maletas, si, xa mandamos unha avanzadilla o día 15 de este mes e agora lle toca a outra metade do m*.

Non estaremos na casa dende o 23 ó 31 de Agosto ámbolos dous incluidos.

Botaremos moito de menos a vosa compaña, pero esperamos chegar renovados e con moitos proxectos novos para o novo curso.

Boas vacacións a tod@s.

Abraiantes

2008-08-02T07:41:00.000-07:00

Pasaban polo m* entre as 9 e as 10 da mañá . Uns días con máis fame que outros. E uns días con mais fortuna que outros, xa que non tódolos días tiñamos o que máis lle gostaba a Nerea.

Estiveron un mes en Compostela e na nosa casa e onte, despois da presentación na Sala Galán do seu espectáculo La danza de los cisnes marcharon "para volver", como eles mesmos dixeron.

Sempre digo que ó m* faino a xente, e Iker e Nerea deixaron o seu grao de area. Dende o m* desexámosvos moita sorte.

Se queredes saber a traxectoria deste coreógrafo "pinchade" no título da entrada, eu quedei abraiada.

¿A nosa banda sonora?

2008-08-01T15:34:00.000-07:00

Descubrindo a.....N.O.H.A

2008-07-19T05:05:00.000-07:00

O Xoves pasado, como tantos outros dias, paseando por Compostela sen rumbo fixo, entrei en Zurich SCQ. Gustame moito o seu estilo, e aínda que non merco moito, sempre me gusta botar unha ollada, ademáis sempre descubro cousas interesantes.

E o que descubrin o outro día foi a un grupo moi especial, de primeiras pensei que a cantante era unha pandereteira, pero resultou que era de Gijón, pero o mais peculiar foi descubrir que cada componente do grupo era de diferentes cidades do mundo.

Deixovos uns videos do grupo, e se "pinchades" no título da entrada poderedes saber moito mais deles.

Almorzos e cousas especiais

2008-07-15T13:35:00.000-07:00

Chegou o día!!!!!!!

2008-06-25T05:09:00.000-07:00

Hoxe, ás oito da tarde, sortearemos as dúas entradas ó FAX´08.

Sorte a tod@s @s que depositaron unha papeleta na nosa improvisada .... ¿urna?

A gañador@......... tachán!......... MARÍA GARCÍA...... Noraboa

Dia especial no m*

2008-06-20T07:55:00.001-07:00

Aquí deixo algunhas fotos do showroom de onte. Foi un placer para nos ter a "Los Sastrecillos Valientes" na nosa casa. Esperamos que lle quedaran gañas de voltar.

Outro día poño un pase con tódalas cousas bonitas que compramos os asteríscos.

Deixamonos vestir por "Los Sastrecillos Valientes"

2008-06-18T10:16:00.000-07:00

Mañá teremos uns convidados de luxo, durante todo o día estarán na nosa casa "Los Sastrecillos Valientes".
Achegádevos ata aquí e poderedes desfrutar da súa contaxiosa ledicia e do seu bo gusto a hora de vestir.

Se queredes saber máis dos nosos convidados "pinchade" no título da entrada.

Esperámosvos.

Convidámoste o FAX´08

2008-06-18T02:12:00.000-07:00

Polo que custa un refresco, unha caña ou un almorzo....tes a oportunidade de participar no sorteo de duas entradas ó FAX´08, en Ourense, que che permitirá asisitir ós concertos programados para os días 27 e 28 de Xuño.

Se queredes ver o cartel deste ano "pinchade" no título da entrada.

A consumición mínima para participar no concurso e de 1,50€, cantas mais tarxetas metades na caixiña do sorteo, mais posibilidades teredes.

Clube Virtual de Lectura

2008-06-17T05:33:00.000-07:00

Hoxe primeira quedada no m* do Clube Virtual de Lectura.

Se queredes mais información "pinchade" no título da entrada.

Amigos na rede

2008-06-11T09:41:00.000-07:00

Non sei se estarán dacordo conmigo se digo que este proxecto novo e novedoso é como un espazo ou unha plataforma virtual e casi física, onde artistas e creativos teñen a oportunidade de dar a coñecer e compartir as súas creacións sen perder os seus dereitos sobre elas.

En m* estamos fascinados co proxecto, e en breve faremos unha estreita colaboración.

Noravoa.

Pandereitada improvisada

2008-05-17T05:18:00.000-07:00

Festexamos o dia das letras galegas.

Se te achegas hoxe pola nosa casa escoitarás solo música feita en Galicia e se cadra ás humildes improvisacións á pandeireta da "liadinha" e da "chiculateira".

Feliz Dia das Letras Galegas.

2008-04-26T08:28:00.000-07:00

Hoxe, 26 de Abril. 19h

25 de Abril

2008-04-25T04:51:00.000-07:00

Em cada esquina um amigo
Em cada rosto igualdade,
Grândola, vila morena
Terra da fraternidade.

*Zeca Afonso

Festexamos o día do libro

2008-04-22T13:45:00.000-07:00

Dia da Terra

2008-04-22T04:51:00.000-07:00

I. RESPETO E COIDADO DA COMUNIDADE DA VIDA

II. INTEGRIDADE ECOLÓXICA

III. XUSTIZA SOCIAL E ECONÓMICA

IV. DEMOCRACIA, NON VIOLENCIA E PAZ

*Principios da Carta da Terra (a ter en conta).

Se vos apetece profundizar no tema, "pinchade" no título da entrada.

Seguimos de exposición

2008-04-11T08:43:00.000-07:00

Para os que non poidades ver a exposición que estára ata finales do mes en m*.

Se queredes saber máis cousas da artista, "pinchade" no titulo da entrada, entraredes nun mundo cheo de duendes e maxia.

Estrea!

2008-04-03T06:25:00.000-07:00

Esta fin de semana estreamos a nosa parede destinada a poñer as vosas propostas.

Dende o sábado 5 de Abril, poderedes desfrutar dos debuxos de Marta Portela Barreiro. Trazos infinitos de tinta que se xuntan, se lían, se cruzan e se emborronan, para darnos a súa visión particular dalgúns oficios ou aficións cargados de sentimentos.

En palabras de Marta, "a peza sempre a remata o espectador", esperámosvos.

Noso primeiro mes

2008-03-12T04:57:00.000-07:00

O pasado nove de Marzo fixemos o noso primeiro mes, xa temos moit@s amig@s fieis a "filosofía" de m*. Queremos dalas gracias dende este blog a tod@s @s que fixenon posible este soño, e que día a día vai cobrando máis vida. Tentaremos que este blog sexa un reflexo do que vivimos neste espacio, contaremos todo o que pasa, as nosas propostas. E se vos tedes algunha suxerencia, queremos sabela.

Se queredes mirar o ben que o pasamos esa data tan especial, tedes as fotos da inauguración no lateral do blog.

8 de Marzo

2008-03-08T04:36:00.001-08:00

"Camina con la mujer un rato. Recuerda quien te parió." Lila Downs.

Se ves a pasar un rato con nós, poderás desfrutar dalgunhas das mellores voces femininas durante todo o día. É a nosa pequena homenaxe a todalas mulleres.